ZORAM TODAY| Aizawl 4th June, 2024 (Tue):  AMC Ward No. XIX by election lo awm tura MNF candidate tur ngaihtuahtu, MNF Nomination Committee vawiin a thukhawm chuan Dr.Lalrinzuali Hrahsel d/o  Dr.ZR Thiamsanga, Ex-MLA, Kulikawn a ruat.

Amah hi Dental Surgeon niin, an chhungkaw ta BN Hospital Kulikawn ah Chief Operating Officer cum Director hna a thawk mek ani. Ward No.XIX chhungah hian Hlimen, Melthum ,Saikhamakawn, Tlangnuam, Tlangnuam Vengthar leh Kulikawn veng te an awm a. ZPM hian an candidate turin Dr. C. Malsawmtluangi w/o Lalmuanawma, Hlimen an lo puang tawh a, Party dangte erawh chuan candidate tur an la thlang fel lo.

AMC Ward No. XIX corporator Baryl Vanneihsangi chu 2023 MLA inthlan ah Aizawl South 3 bialah thlan tlin a ni a, a ni hian MLA a thlan zawk avangin a bial ruak hnawhkhattu tur hi June 25, 2024 ah Ward mipuite'n an thlang dawn a ni.